Cymorth ariannol ar gyfer gwelliannau effeithlonrwydd ynni

Gofynion Effeithlonrwydd Ynni yng Nghymru

Ers 1 Ebrill 2020, dylai'r rhan fwyaf o eiddo rhent yng Nghymru fod â thystysgrif perfformiad ynni sy'n dangos gradd E neu uwch. Os nad dyma’r achos, mae'r eiddo'n debygol o fethu â bodloni'r gofynion sylfaenol ar gyfer Safonau Effeithlonrwydd Ynni a bennwyd gan Lywodraeth y DU.

Mae landlordiaid sy'n parhau i osod eiddo ar rent o dan E yn peryglu gweithredu'n anghyfreithlon a dylent ystyried sut i sicrhau gwelliannau o ran effeithlonrwydd ynni yn ddi-oed.

Er bod sail gyfreithiol i wella cartrefi sy'n perfformio'n isel, byddwch chi a'r tenant hefyd yn profi manteision lluosog drwy wneud hynny. Mae’r rhain yn cynnwys:

✔ Biliau ynni rhatach a chysur ychwanegol i'ch tenantiaid
✔ Cynnydd posibl yng ngwerth eich eiddo rhent
✔ Llai o effaith ar ein hamgylchedd 
✔ Llai o leithder ac anwedd
✔ Gwell iechyd i'r tenant 

Eiddo rhentu preifat domestig: safon effeithlonrwydd ynni ofynnol - canllawiau i landlordiaid

Mae'r canllawiau hyn i landlordiaid yn rhoi gwybodaeth am brif agweddau’r safon 'Effeithlonrwydd Ynni' ofynnol 2018 (band E TPY). Mae'n cynnwys:

• Dysgwch a yw'r Rheoliadau’n effeithio ar eich eiddo
• Pan fydd angen i chi roi camau ar waith i wella eich eiddo i sgôr TPY E
• Ariannu gwelliannau i'ch eiddo
• Dewis mesurau effeithlonrwydd ynni
• Cofrestru esemptiad
• Gorfodi a chosbau
• Mwy o fanylion ac enghreifftiau
• Gosod safonau perfformiad ynni hirdymor

Gweler rhagor o wybodaeth yma: Eiddo rhentu preifat domestig: safon effeithlonrwydd ynni ofynnol - canllawiau i landlordiaid - GOV.UK (www.gov.uk)

Cyngor gan Simple Energy Advice

Mae Cyngor Diduedd ac Annibynnol ar gael i'ch helpu i:

• Leihau eich biliau ynni
• Gwneud eich cartref yn gynhesach
• Cynllunio gwelliannau i'r cartref
• Gwneud eich cartref yn fwy gwyrdd

Ewch i’r wefan i gael rhagor o wybodaeth: www.simpleenergyadvice.org.uk

Cyllid ar gael i landlordiaid sector preifat yng Nghymru

Os yw eich tenantiaid yn derbyn budd-daliadau penodol sy'n dibynnu ar brawf modd neu os oes ganddynt gyflwr iechyd sy'n golygu eu bod mewn perygl o ddioddef salwch y gellir ei osgoi am eu fod yn byw mewn cartref oer, gallent fod yn gymwys i gael gwelliannau i’r cartref heb unrhyw gost iddyn nhw eu hunain nac i'r landlord drwy Gynllun Nyth Llywodraeth Cymru.

A all eich eiddo gael ei gysylltu i gyflenwad nwy?

Defnyddiwch nodwedd chwilio cysylltiadau nwy Wales and West Utilities i weld a yw eich eiddo'n gymwys

https://www.wwutilities.co.uk/services/gas-connections/

Gallwch gysylltu am ddim mewn rhai amgylchiadau. Mae rhagor o fanylion ar gael yma: https://www.warmwest.org.uk/gas-connection-grants/gas-application-form/

Newidiadau ar ddod

Mae Llywodraeth y DU wedi cyhoeddi ymgynghoriad agored ar Wella perfformiad ynni cartrefi rhent preifat (Saesneg yn unig). Roedd yr ymgynghoriad yn ceisio barn ar gynigion y llywodraeth i godi Safonau Gofynnol Effeithlonrwydd Ynni (SGEY) ar gyfer cartrefi rhent preifat yng Nghymru a Lloegr erbyn 2030.

Ymgynghorodd y llywodraeth flaenorol yn 2020 ar gynigion i godi safonau, ond ni chyhoeddwyd ymateb i'r ymgynghoriad. Mae'r cynigion a nodir yn yr ymgynghoriad newydd hwn yn ceisio adeiladu ar gynigion ymgynghoriad 2020 wrth ystyried treigl amser a’r cyd-destun sydd wedi newid.

Daeth yr ymgynghoriad i ben ar 2 Mai 2025.

I ddysgu rhagor am eich cyfrifoldebau, gwyliwch ein fideo: